༄༅། །ངེད་དྲ་བར་ཕེབས་པར་དགའ་བསུ་ཞུ།
དེ་རིང་ནི་སྤྱི་ལོ 2020 ལོའི་ཟླ 4 ཚེས 1
དྲ་གནས་ཉར་ཚགས།   གཙོ་ངོས་སུ་འགོད་པ།
中文   |   English   |   བོད་ཡིག
ཕྱོགས་སྟོན།:  གཙོ་ངོས། > མཚམས་སྦྱོར། > 4 གསར་བརྡ།
4 གསར་བརྡ།
སྐྱེས་ཆེན་རྣམ་ཐར་མཁོ་འདོན་ཞུ་རྒྱུའི་གལ་ཆེའི་འབོད་སྐུལ།
[རྩོམ་ཁུངས།:ཁྱུང་པོ་དྲ་བ།] [ཟླ་ཚེས།:2019-12-12] [རྩོམ་པ་པོ།:གཙོ་སྒྲུབ་པ།] [གཟིགས་ཐེངས:]


གཡུང་དྲུང་བོན་གྱི་བསྟན་པའི་དོན་དང་སྔོན་བྱོན་སྐྱེས་ཆེན་གོང་མའི་

མཛད་ཕྲིན་ལ་དད་པ་དང་ལྷག་བསམ་ཅན་ཡོངས་ཀྱི་

སྙན་ལམ་དུ་བསྒྲོན་རྒྱུ།


1576151683208750.jpg

སྐྱེས་ཆེན་རྣམ་ཐར་མཁོ་འདོན་ཞུ་རྒྱུའི་གལ་ཆེའི་འབོད་སྐུལ།.pdf

གོང་གི་ཡི་གེ་སྔོན་པོ་འདི་གནོན་དང་པར་ཡིག་གཟིགས་ཐུག


          ༧རྒྱ་ཆེའི་བོན་འབངས་སྡེ་དགོན་རྣམས་དང་བོན་གྱི་གཞུང་ལུགས་ལ་དཔྱད་འཇོག་གནང་བའི་དཔྱོད་ལྡན་རྣམ་པ་ལགས།    གཡུང་དྲུང་བོན་གྱི་བསྟན་པ་དང་རིག་གཞུང་ནི་ང་ཚོའི་ཕ་མེས་ཡང་མེས་ཀྱིས་ང་ཚོ་ལ་བརྒྱུད་སྤྲོད་གནང་བའི་འདི་ཕྱི་དོན་ཡོད་བྱེད་པའི་རིན་བྲལ་གྱི་ནོར་བུ་ངོ་མ་དེ་ཡིན་ཞིང་།  ད་སྐབས་བོན་བསྟན་སྤྱི་ལ་ལྷག་བསམ་དང་མཛད་རྗེས་ཆེ་བའི་དཔོན་གསས་བླ་མ་༧འོད་ཟེར་སྦྱིན་པ་ཕུན་ཚོགས་རིན་པོ་ཆེ་མཆོག་གིས་དགོངས་པ་ནི་གཤེན་བསྟན་རིན་པོ་ཆེ་འདི་ཉིད་མི་ཉམས་གོང་འཕེལ་དང་ཉམས་པ་སླར་གསོའི་སྒོ་ནས་ཇི་ལྟར་འཛིན་སྐྱོང་སྤེལ་གསུམ་དགོས་པའི་ཐད་ལ།  སྔར་སོང་ལོ་རྒྱུས་ཀྱི་བསླབ་བྱ་ལེན་པ།  ད་ལྟའི་སྤྱི་ཚོགས་ཀྱི་འགྲོས་བསྟུན་མཁས་པ། མ་འོངས་རྒྱུད་འཛིན་གསོ་སྐྱོང་གི་ཇུས་འགོད་འདངས་པ་བཅས་གསུམ་གྱི་ལམ་ནས་བསྐྱང་དགོས་པ་ཡིན་གསུངས་པས། ང་ཚོས་ཅི་ནས་ཀྱང་ཤེས་དགོས་ངེས་ཞིག་ནི། སྔོན་བྱོན་སྐྱེས་ཆེན་རྣམ་པས་ཟང་ཟིང་གི་འདོད་ཡོན་དང་ཆབ་སྲིད་ཀྱི་བསླུ་བྲིད་རྒོད་པོའི་འོག་ནས། གཅེས་པའི་སྐུ་སྲོག་འབེན་ཏུ་བཙུགས་ཏེ་བོན་གྱི་བསྟན་དོན་ཁོ་ན་གཟིགས་པའི་ཐུགས་སྤོབས་དང་། སྲིད་པའི་ཕུན་ཚོགས་མཆི་མ་བཞིན་དོར་ཏེ་རྩེ་གཅིག་སྒོམ་སྒྲུབ་ཉམས་ལེན་གནང་བའི་རྣམ་ཐར་བཅས་ལ་མཉམ་འཇོག་དགོས་རྒྱུ་དེ་གལ་ཆེན་ཞིག་ཡིན་པ་དང་།
     ལྷག་པར་དུ་ད་ལྟའི་བོན་གྱི་བཤད་སྒྲུབ་སྒོམ་པའི་སློབ་ཚོགས་ཁྲོད་དུ་བསྟན་པའི་གསལ་བྱེད་འཆད་ཉན་རྣམ་དག་ཅིག་དང་།  བསྟན་པའི་ཉམས་ལེན་སྒོམ་སྒྲུབ་རྣལ་མ་ཞིག་ཡོང་དང་མི་ཡོང་ནི་བཤེས་གཉེན་བསྟེན་ཚུལ་ཡང་དག་ཡོད་མེད་ལ་རག་ལས་ཤིང་།  དེའང་སྟེན་བྱེད་སློབ་མ་དང་བསྟེན་བྱ་བླ་མ་གཉིས་ཀའི་ངོས་ནས།  སྔོན་བྱོན་གསང་བ་སྔགས་ཀྱི་རིག་འཛིན་བླ་ཆེན་དྲན་པ་ཡབ་སྲས་ནས་རིམ་བྱོན་རྣམས་དང་། མདོ་སྔགས་ཟུང་འབྲེལ་གྱི་སྲོལ་འཛིན་འ་ཞ་བློ་གྲོས་རྒྱལ་མཚན་དང་རྗེ་བཙུན་མཉམ་མེད་པ་གཙོས་པའི་བསྟན་འཛིན་སྐྱེས་ཆེན་དར་དཀར་གྱི་ཉག་ཐག་ལ་མུ་ཏིག་གི་ཕྲེང་བ་བརྒྱུས་པ་བཞིན་བྱོན་པ་དག་གི་རྣམ་ཐར་ལ་ཉམས་ལེན་བྱ་བའམ་མིག་དཔེ་བཟུང་རྒྱུ་དེ་ཡིན་པ་དང་།
     གཞན་ཡང་བོན་ཞིབ་འཇུག་གནང་བའི་མཁས་དབང་རྣམ་པས་བོན་གྱི་ལྟ་གྲུབ་ཀྱི་ངོ་བོ་དང་ལོ་རྒྱུས་ཐོག་གི་བོན་གྱི་གནས་བབ་བཅས་ལ་ཉམས་ཞིབ་བྱེད་པའི་དཔྱད་གཞི་མེད་དུ་མི་རུང་བའི་ཆ་ཤས་གཅིག་ནི་སྔར་བྱོན་བོན་གྱི་སྐྱེས་ཆེན་ཚོའི་རྣམ་ཐར་རམ་ལོ་རྒྱུས་ལ་གཟིགས་རྟོགས་བྱ་རྒྱུ་དེ་ཡིན་ཕྱིར།  དགོས་གལ་ཆེན་པོ་དེ་དག་ལ་རྣམ་དཔྱོད་ཀྱི་འཇུག་པ་ཅུང་ཞིག་ཡངས་པར་བྱས་པའི་ཁུལ་འཆང་སྟེ།  ངེད་ཁྱུང་པོ་སྟེང་ཆེན་དགོན་གྱི་༼གཡུང་དྲུང་བོན་བཀའ་བརྟེན་དཔེ་རྙིང་ཕྱོགས་བསྒྲིགས་༽ཁང་གི་བླ་མའི་རྣམ་ཐར་བསྒྲིགས་ཟིན་པ།

༡ ༽  མདོ་འདུས།

༢ ༽  མདོ་གཟེར་མིག
༣ ༽  རྒྱུང་ཡར་ཁོད་སྤུངས་ཀྱི་ལོ་རྒྱུས་བཞུགས༎  ལུང་བསྟན།

༤ ༽  རྗེ་འབྲུག་རྣམ་ཐར།

༥ ༽  བླ་མ་གཤེན་ཆེན་པོའི་རྣམ་ཐར།

༦ ༽  བླ་མ་བྲུ་ཆེན་པོའི་རྣམ་ཐར།

༧ ༽  བྲུ་ཆེན་ནམ་མཁའ་གཡུང་དྲུང་གི་རྣམ་ཐར།
༨ ༽  འགྲོ་བའི་མགོན་པོ་མཚན་ལྡན་ཞུ་ཡས་ལེགས་པོའི་རྣམ་ཐར་བསྡུས་པ།

༩ ༽  སྤྲུལ་བའི་སྐུ་རྨེའུ་སྟོན་ལྷ་རི་གཉན་པོའི་རྣམ་ཐར།

༡༠ ༽  རྨེའུ་མཁས་པ་དཔལ་ཆེན་གྱི་རྣམ་ཐར།

༡༡ ༽  བླ་མ་ཡར་འབྲོག་པའི་རྣམ་ཐར་མུ་ཏིག་འཕྲེང་བ།

༡༢ ༽  བོན་ཞིག་ཁྱུང་ནག་གི་རྣམ་ཐར།

༡༣ ༽  བླ་མ་གྱེར་མི་ཉི་འོད་དང་རྨ་སྟོན་མཇལ་རབས།

༡༤ ༽  དཔོན་གསས་ཁྱུང་རྒོད་རྩལ་གྱི་རྣམ་ཐར།
༡༥ ༽  གཞོན་སྟོན་གྱི་རྣམ་ཐར།

༡༦ ༽  རྨ་སྟོན་ཤེར་སེང་གི་གཟིགས་སྣང་།

༡༧ ༽  འགྲོ་མགོན་སྨན་གོང་བའི་རྣམ་ཐར།

༡༨ ༽  ལུང་སྟོན་ལྷ་གཉེན་གྱི་རྣམ་ཐར།

༡༩ ༽  ཏོང་མང་གུར་གསུམ་གྱི་རྣམ་ཐར།

༢༠ ༽  ཡ་ངལ་དྲང་སྲོང་མའི་རྣམ་ཐར།

༢༡ ༽  ཁམས་སྒོམ་གྱི་རྣམ་ཐར།

༢༢ ༽  བླ་མ་ཡོན་ཏན་རྒྱལ་མཚན་གྱི་རྣམ་ཐར།

༢༣ ༽  མཐའ་བཞི་གཤེན་རྒྱུད་ཀྱི་རྣམ་ཐར།

༢༤ ༽  བླ་མ་ཞུ་སྒོམ་འཁྲུལ་ཞིག་གི་རྣམ་ཐར།

༢༥ ༽  བླ་མ་ཀུན་དགའ་ཞིག་པོའི་རྣམ་ཐར།

༢༦ ༽  གཤེན་སྒོམ་ཞིག་པོའི་རྣམ་ཐར།

༢༧ ༽  ཁོད་པོ་བློ་གྲོས་ཐོག་མེད་ཀྱི་གཏེར་བཞེས་པའི་རྣམ་ཐར།

༢༨ ༽  རྟོགས་ལྡན་རི་འབྲུག་པའི་སྐྱེ་བ་བཞེས་པའི་རྣམ་ཐར།

༢༩ ༽  སྒ་སྟོན་ཚུལ་ཁྲིམས་རྒྱལ་མཚན་གྱི་རྣམ་ཐར་ཉུང་འདུས།

༣༠ ༽  རྗེ་རིན་པོ་ཆེའི་རྣམ་ཐར་པད་མོའི་ཕྲེང་བ།

༣༡ ༽  རྗེ་རིན་པོ་ཆེའི་རྣམ་ཐར་མདོར་བསྡུས་སྐལ་ལྡན་དྭངས་བ་འདྲེན་བྱེད།
༣༢ ༽ མཉམ་མེད་ཤེས་རབ་རྒྱལ་མཚན་གྱི་རྣམ་ཐར་གནའ་བོའི་ཞལ་ལུང་།
༣༣ ༽  སྤྲུལ་སྐུ་བློ་ལྡན་སྙིང་པོའི་རྣམ་ཐར་ཉུང་འདུས།
༣༤ ༽  རྒྱལ་རིགས་གནམ་བོན་རྫིའུ་རྒྱ་གར་གྱི་གདུང་རབས་རིན་ཆེན་ཕྲེང་བ།
༣༥ ༽  སྤྲུལ་པའི་སྐུ་མཆོག་ཉི་མ་རྒྱལ་མཚན་སོགས་ཀྱི་རྣམ་ཐར་ཕྱོགས་བསྡུས།
༣༦ ༽  གཤེན་ཉི་མ་རྒྱལ་མཚན་གྱི་རྣམ་ཐར་བཀའ་འབུམ་པུ་ཏི་བཅུ་གཉིས་ཀྱི་རྩིས་རྒྱ།
༣༧ ༽  སྤྲུལ་པའི་སྐུ་མཆོག་ཉི་མ་རྒྱལ་མཚན་གྱིས་རྣམ་ཐར།

༣༨ ༽  གདོང་སྒོམ་བསྟན་པ་ལྷུན་གྲུབ་ཀྱི་རྣམ་ཐར།
༣༩ ༽  སྐུ་མདུན་བསོད་ནམས་བློ་གྲོས་ཀྱི་རྣམ་ཐར།

༤༠ ༽  མཁན་ཆེན་བསོད་ནམས་བློ་གྲོས་ཀྱི་རྣམ་ཐར།
༤༡ ༽  སྐྱབས་མགོན་ཟླ་བ་རྒྱལ་མཚན་གྱི་རྣམ་ཐར།

༤༢ ༽  མཁས་གྲུབ་རིན་ཆེན་བློ་གྲོས་ཀྱི་རྣམ་ཐར།
༤༣ ༽  འགྲོ་མགོན་ཤེས་རབ་གཡུང་དྲུང་གི་རྣམ་ཐར།

༤༤ ༽  གཤེན་མི་འགྱུར་གཙུག་ཕུད་དབང་རྒྱལ་གྱི་རྣམ་ཐར།

༤༥ ༽  གཤེན་སྲས་ལྷ་རྗེའི་རྣམ་ཐར།

༤༦ ༽  མཁན་ཉི་མའི་རྣམ་ཐར།

༤༧ ༽  དཀར་རུ་གྲུབ་དབང་བསྟན་འཛིན་རིན་ཆེན་གྱི་རྣམ་ཐར།

༤༨ ༽  མེ་སྟོན་ཉི་མ་རྒྱལ་མཚན་གྱི་རྣམ་ཐར།

༤༩ ༽  བདུད་འདུལ་ཚུལ་ཁྲིམས་དབང་གྲགས་ཀྱི་རྣམ་ཐར།

༥༠ ༽  བདེ་གླིང་རྣམ་ཐར།

༥༡ ༽  སྤ་ཉི་མ་འབུམ་གསལ་གྱི་རྣམ་ཐར།

༥༢ ༽  ཤར་རྫའི་རྣམ་ཐར།

༥༣ ༽  ཁོད་སྤུངས་བློ་གྲོས་ཐོག་མེད་ཀྱི་རྣམ་ཐར་སུ་ལ་ཅན།

༥༤ ༽  མདོ་རྒྱུད་གྲགས་པའི་རྣམ་ཐར།

༥༥ ༽  གསང་གླིང་རྣམ་ཐར།

༥༦ ༽  སངས་རྒྱས་གླིང་པའི་རྣམ་ཐར།
༥༧ ༽ ཡོངས་འཛིན་ཚུལ་ཁྲིམས་རྒྱལ་མཚན་གྱི་རྣམ་ཐར།

༥༨ ༽  བྱ་བཏང་རིན་ཆེན་བློ་གྲོས་ཀྱི་རྣམ་ཐར།
༥༩ ༽  སུ་ལ་མཁན་ཆེན་གྱི་རྣམ་ཐར།

༦༠ ༽  འཇིགས་མེད་ནམ་མཁའི་རྣམ་ཐར།
༦༡ ༽  དགེ་བསོད་ཀྱི་འདུལ་རྒྱུད་རྣམ་ཐར་ཤེལ་གོང་མ།
༦༢ ༽  མཁན་ཆེན་ཤེས་རབ་བསྟན་པའི་རྒྱལ་མཚན་གྱི་རྣམ་ཐར་ཉུང་འདུས།
༦༣ ༽  ཡོངས་འཛིན་སངས་རྒྱས་བསྟན་འཛིན་གྱི་རྣམ་ཐར།
རྣམ་ཐར་འདི་དག་གློག་ཀླད་དུ་བསྒྲིགས་ནས་ཞུས་དག་བྱེད་མུས་དང་།
     དེ་བཞིན་དཔལ་ལྡན་༼  ཀོ་རྒྱལ་དགོན་  ༽ ནས་བསྒྲིགས་པའི་རྣམ་ཐར་གྱི་མཚན་ཐོ།

༦༤ ༽  སྙན་རྒྱུད་བླ་མ་རྒྱུད་པའི་རྣམ་ཐར།

༦༥ ༽  ཉམས་རྒྱུད་རྣམ་ཐར།

༦༦ ༽  ཨ་ཁྲིད་བླ་མ་རྒྱུད་པའི་རྣམ་ཐར།

༦༧ ༽  རྒྱལ་གཤེན་མི་ལུས་བསམ་ལེགས་ཀྱི་རྣམ་ཐར།
༦༨ ༽  ཡབ་སྲས་གཤེན་གསུམ་སོགས།

༦༩ ༽  ཞུ་ཡས་ལེགས་པོའི་སྐྱེས་རབས།

༧༠ ༽  ཞུ་སྒོམ་འཁྲུལ་ཞིག་གི་སྐྱེས་རབ་རྣམ་ཐར།

༧༡ ༽  ཞུ་ཡི་གདུང་རབས་ལེགས་མཛོད་བསབ་ཆ།

༧༢ ༽  དམ་པ་རི་ཁྲོད་པའི་རྣམ་ཐར།

༧༣ ༽  གྱེར་མི་ཉི་འོད་སྐྱེས་རབས་སྐྱང་འཕགས།

༧༤ ༽  དབང་ལྡན་གཤེན་སྲས་ཀྱི་སྐྱེས་ཚོགས།

༧༥ ༽  དྲུང་མུ་ཧ་རའི་དངོས་གྲུབ་ཐོབ་ཚུལ།

༧༦ ༽  ཁྲོ་གཉེན་རྒྱལ་མཚན་གྱི་སྐྱེས་ཚོགས།

༧༧ ༽  ཨི་རུ་བསོད་རྒྱལ་གྱི་རྣམ་ཐར།

༧༨ ༽  བློ་ལྡན་སྙིང་པོའི་རྣམ་ཐར།

༧༩ ༽  ཀོ་བོ་ཡེ་རྒྱལ།

༨༠ ༽  ཀུན་གྲོལ་རྣམ་ཐར་ཕྱི་ནང་གསང་གསུམ།

༨༡ ༽  ཟླ་བ་རྒྱལ་མཚན་གྱི་རྣམ་ཐར།

༨༢ ༽  ཤར་རྫའི་རང་རྣམ།

༨༣ ༽  ཧོར་པ་དྲུང་རམས་པའི་རྣམ་ཐར།
༨༤ ༽  རྒྱ་བོ་ནམ་མཁའ་འོད་ཟེར།

༨༥ ༽  དབྲ་སྲས་འཇའ་ལུས་པའི་རྣམ་ཐར།

༨༦ ༽  རྗེ་བཙུན་ནམ་མཁའ་བློ་གྲོས་ཀྱི་རྣམ་ཐར།

༨༧ ༽  ཁྱུང་པོ་བཟོད་པ་རིན་པོ་ཆེའི་རྣམ་ཐར།
༨༨ ༽  སྤྱང་སྤྲུལ་ནམ་མཁའི་རྣམ་ཐར།

༨༩ ༽  ཚུལ་ཆེན་རྣམ་ཐར།
༩༠ ༽  བླ་མ་བྱང་སེམས་ཚུལ་ཁྲིམས་རིན་ཆེན་གྱི་རྣམ་ཐར།

༩༡ ༽  རྟོགས་ལྡན་བླ་མ་རྒྱལ་མཚན་གྱི་རྣམ་ཐར།

༩༢ ༽  བྱང་ཆུབ་འགྱུར་མའི་རྣམ་ཐར།

༩༣ ༽  འཁྲུལ་ཞིག་གཡུང་དྲུང་ཚུལ་ཁྲིམས་ཀྱི་རྣམ་ཐར།

༩༤ ༽  བོན་བརྒྱ་གཡུང་དྲུང་ཕུན་ཚོགས་ཀྱི་རང་རྣམ།

༩༥ ༽  ཉི་མ་ཚུལ་ཁྲིམས་རྣམ་ཐར།

རྣམ་ཐར་རྒྱས་འབྲིང་བསྡུས་པ་འདི་དག་ང་ཚོ་དགོན་སྡེ་གཉིས་ཀྱིས་ཞུས་བསྒྲིགས་བྱས་ཡོད།།

          འདིར་ཞུ་བྱ་གཙོ་བོ་ནི།   ང་ཚོས་རྣམ་ཐར་འདི་དག་ཕྱོགས་བསྒྲིགས་བྱས་ཏེ་མི་རིང་བ་དཔར་བསྐྲུན་བྱ་འཆར་ཡིན་ཞིང་། དེ་ཡང་སྐབས་བསྟུན་ཚད་གཞི་ངེས་ཅན་ཞིག་གི་སྒོ་ནས་ཏེ། ལྡང་ཚད་ཀྱི་ཆ་ནས་བཀའ་ཐང་ལྟ་བུ་རྣམ་ཐར་གཅིག་ལ་གླེགས་བམ་དུ་མའི་བདག་ཉིད་ཅན་མ་ཡིན་པ་དང་། ལོ་དུས་ཀྱི་ཆ་ནས་སྤྱི་ལོ་༡༩༥༩ཡན་ལ་ཕེབས་ཟིན་པའི་སྐྱེས་བུའི་རྣམ་ཐར་རྒྱས་བསྡུས་རན་པ་དང་།  ངོ་བོའི་སྒོ་ནས་དམ་པའི་མཛད་སྤྱོད་རྣམ་པས་གདུལ་བྱའི་རྒྱུད་ལ་ཐར་པའི་ས་བོན་བསྐྲུན་ཐུབ་པའི་རྟོགས་བརྗོད་རིགས་བཅས་ཆ་རྐྱེན་གསུམ་ཐོག་ནས།  གོང་དུ་ང་ཚོས་བསྒྲིགས་ཟིན་རྣམས་ཀྱི་མ་དཔེ་གཞན་ཡོད་ན་དཔེ་བསྡུར་དུ་མཁོ་འདོན་གནང་རོགས་ཞུ་རྒྱུ་དང་དེའི་ནང་མ་འཁོད་པའི་གཡུང་དྲུང་བོན་གྱི་སྔ་དར་བླ་མ་གདུང་འཚོབ་མུ་ཆོ་ལྡེམ་དྲུག་ནས་བླ་ཆེན་དྲན་པ་ཡབ་སྲས་སོགས་མདོ་སྔགས་རྫོགས་ཆེན་བརྒྱུད་པའི་བླ་མ་དང་།  ཕྱི་དར་གཤེན་གྱེར་རྨ་དབྱིལ་བྲུ་ཞུ་སྤ་རྨེའུ་ཁྱུང་དང་གྲྭ་ས་གོང་འོག་གི་མཁན་སློབ་རིམ་བྱོན་བཅས་ཀྱི་རྣམ་ཐར་ལས། གློག་ཀླད་དུ་བསྒྲིགས་པ་དང་མ་ཕྱི་དཔེ་རྙིང་གང་ཞིག་ཡོད་ན་ང་ཚོར་མཁོ་འདོན་གནང་རོགས་ཞུ་བ་དང་།  གཞན་ཡང་ས་ཕྱོགས་གང་ཞིག་ལ་རྩ་ཆེའི་རྣམ་ཐར་དཔེ་དཀོན་བཞུགས་པའི་མཐོང་ཐོས་དོགས་གསུམ་གྱི་རྒྱུས་མངའ་ཡོད་པ་ཡིན་ན།  བོན་གྱི་སྡོང་གྲོགས་བོན་གྱིས་བྱེད་པའི་དཔེ་དོན་ཐུགས་ལ་འཆང་སྟེ་ང་ཚོར་མྱུར་དུ་ལམ་སྟོན་གནང་རོགས་ཞུ་བ་ལགས་པས།  རེ་བཅོལ་འདི་ལ་རིན་བྲལ་དཔེ་རྙིང་བདག་པོ་རྣམས་དང་བོན་གྱི་རྣམ་ཐར་ལོ་རྒྱུས་དཔེ་ཆ་བཙལ་འཚོལ་གྱི་རྒྱུས་མངའི་མཁྱེན་ལྡན་པ་གང་ན་སུ་བཞུགས་ཡོངས་ཀྱི་ཐུགས་དབྱིངས་ནས་མི་བསྙེལ་མ་གཡེལ་མ་འདའ་བཅོལ་པའི་ཕྲིན་ལས་གྲུབ་པར་མཛོད་ཅིག་ཀྱེ།།

        ས་གནས།  ཁྱུང་པོ་སྟེང་ཆེན་དགོན་གཡུང་དྲུང་བོན་བཀའ་བརྟེན་དཔེ་རྙིང་ཕྱོགས་བསྒྲིགས་ཁང་།
         འབྲེལ་གཏུག་ཁ་པར་ཨང་།  13551156788-13659551299
        ཡིག་སྒམ།  709811689@qq.com
        སྐད་འཕྲིན།  xrws1376
        སྦྲག་སྲིད།  855700

སི་ཁྲོན་ཁྱུང་པོའི་རིག་གནས་འཚོལ་བསྡུ་ཁྱབ་སྤེལ་འགན་འཁྲི་ཚད་ཡོད་ཀུང་སི།
ཁྱུང་པོ་སྟེང་ཆེན་དགོན་གཡུང་དྲུང་བོན་བཀའ་བརྟེན་དཔེ་རྙིང་ཕྱོགས་བསྒྲིགས་ཁང་ནས། 
འབྱུང་ལྡན། ༣༠༡ བོད་ས་ཕག་ལོ།  སྤྱི་ལོ། ༢༠༡༩/༡༢/༡༢ ཉིན།




སྐད་འཇོག་རེའུ་མིག

འདྲེན་སྐོལ། དཔྱད་གཏམ(0)ཡོད།