༄༅། །ངེད་དྲ་བར་ཕེབས་པར་དགའ་བསུ་ཞུ།
དེ་རིང་ནི་སྤྱི་ལོ 2019 ལོའི་ཟླ 10 ཚེས 21
དྲ་གནས་ཉར་ཚགས།   གཙོ་ངོས་སུ་འགོད་པ།
中文   |   English   |   བོད་ཡིག
ཕྱོགས་སྟོན།:  གཙོ་ངོས། > རྩོམ་རིག > 3 བརྩམས་སྒྲུང་།
3 བརྩམས་སྒྲུང་།
ཁྱུང་པོ་ལུང་པ།
[རྩོམ་ཁུངས།:ཁྱུང་པོའི་དྲྭ་བ།] [ཟླ་ཚེས།:2017-05-02] [རྩོམ་པ་པོ།:ཁྱུང་གཤོག] [གཟིགས་ཐེངས:]

སྟོད་གངས་དཀར་ཤེལ་གྱི་རྩེ་མོ་ལ།།
སྤྲིན་དཀར་པོའི་དབུ་གདུགས་ཀྱི་ལི་ལི།།
སྟག་ཤ་རའི་ཀི་སྒྲ་དི་རི་རི།།
ཡུལ་ཁྱུང་པོའི་བླ་རི་བརྗིད་ཉམས་ལ།།

བར་སྤང་ལྗང་གཡུ་ཡི་མེ་ལོང་སྟེང་།།
མཚོ་ཆེ་ཆུང་རྦ་རླབས་ཤིགས་སེ་ཤིག།
སྨན་བུ་མོའི་ཆུ་འགྲོས་ལྡེམས་སེ་ལྡེམ།།
ཡུལ་ཁྱུང་པོའི་བླ་མཚོ་དྭངས་པ་ལ།།

སྨད་ཤེལ་ལེ་རྒྱ་སྐར་རི་བོའི་མགུལ།།
རྒོད་ཐང་དཀར་གཡས་སྐོར་སྒ་ར་ར།།
གནས་བསྐོར་བའི་དད་ལྡན་ཉི་ལི་ལི།།
ཡུལ་ཁྱུང་པོ་ལུང་པའི་དགེ་སེམས་ལ།།

དབྱིབས་གསེར་ཉ་འཁྱུག་འདྲའི་ས་ཡི་སྟེང་།།
རྟེན་གཙོ་མཆོག་རང་བྱོན་ལམས་སེ་ལམ།།
གནས་བང་ཁྲའི་གཟི་བརྗིད་ལྷགས་སེ་ལྷག།
ཡུལ་ཁྱུང་པོ་ལུང་པའི་བསོད་ནམ་ལ།།

དགོན་ཆེ་ཆུང་སྐར་ཚོགས་འཕོས་འདྲའི་ནང་།།
ལྷ་བླ་མའི་དགྱེས་འཛུམ་ཝངས་སེ་ཝང་།།
འཁོར་སློབ་བུའི་རྩོད་སྒྲ་ཆེམས་སེ་ཆེམ།།
ཡུལ་ཁྱུང་པོའི་དགོན་སྡེ་བཟང་བ་ལ།།

སྦྲ་སྨུག་པོ་འོག་གི་འབྲོག་མོ་ཚོས།།
དཀར་འོ་མའི་བསྲུབ་སྒྲ་ལྷོགས་སེ་ལྷོག།།
དབྱངས་སྙན་མོའི་མ་ཏྲི་ལྷངས་སེ་ལྷང་།།
ཡུལ་ཁྱུང་པོའི་འབྲོག་སྡེ་སྐྱིད་ཉམས་ལ།།

མཁར་གྲུ་བཞི་ནང་གི་ཞིང་པ་ཚོས།།
ཐོག་བད་ཀར་ཚལ་མ་ཁྲིགས་སེ་ཁྲིག།
ནང་བང་མཛོད་འབྲུ་དྲུག་སྤུངས་སེ་སྤུང་།།
ཡུལ་ཁྱུང་པོའི་ཞིང་པ་ཕྱུག་ཉམས་ལ།།

ལྡོང་ལྷ་བྲིས་རི་མོའི་སྒྱུ་རྩལ་ལ།།
ལྗོངས་རིམ་པའི་མགུལ་དར་བུངས་སེ་བུང་།།
གཏམ་སྙན་པའི་སྒྲ་དབྱངས་འུ་རུ་རུ།།
ཡུལ་ཁྱུང་པོའི་རི་མོ་མཛེས་ཉམས་ལ།།

གླུ་བྲོ་གར་འཁྲབ་པའི་རལ་ཕྲུག་ཚོའི།།
ལག་རྔ་གཤང་སྒྲ་སྐད་སི་ལི་ལི།།
ལུས་ཉམས་འགྱུར་གར་སྟབས་ཁྱུགས་སེ་ཁྱུག།
ཡུལ་ཁྱུང་པོའི་རལ་པ་ལྟད་མོ་ལ།།

ཕྱི་གསོ་རིག་སྨན་གྱི་སློབ་གླིང་དུ།།
ནད་ཟུག་ངུའི་གཉེན་པོ་ཤ་ར་ར།།
སྨན་བཟང་དྲུག་དྲི་ཞིམ་ཐུ་ལུ་ལུ།།
ཡུལ་ཁྱུང་པོའི་གསོ་རིག་ཕན་ནུས་ལ།།

ངས་སེམས་ཀྱི་ཕྱི་བལྟས་ཐེངས་གཅིག་གི།
ཡུལ་ཁྱུང་པོ་ལུང་པའི་མཛེས་ཉམས་དྲན།།
ཚིག་སྙན་མོའི་སྡེབ་སྦྱོར་དབེན་ན་ཡང་།།
ཁ་འབུ་ཁུང་གསེང་ནས་ཚིག་འགའ་ཤོར།།

སྟོད་གངས་དཀར་ཤེལ་གྱི་རྩེ་མོ་ལ།།
སྤྲིན་དཀར་པོའི་དབུ་གདུགས་ཀྱི་ལི་ལི།།
སྟག་ཤ་རའི་ཀི་སྒྲ་དི་རི་རི།།
ཡུལ་ཁྱུང་པོའི་བླ་རི་བརྗིད་ཉམས་ལ།།

བར་སྤང་ལྗང་གཡུ་ཡི་མེ་ལོང་སྟེང་།།
མཚོ་ཆེ་ཆུང་རྦ་རླབས་ཤིགས་སེ་ཤིག།
སྨན་བུ་མོའི་ཆུ་འགྲོས་ལྡེམས་སེ་ལྡེམ།།
ཡུལ་ཁྱུང་པོའི་བླ་མཚོ་དྭངས་པ་ལ།།

སྨད་ཤེལ་ལེ་རྒྱ་སྐར་རི་བོའི་མགུལ།།
རྒོད་ཐང་དཀར་གཡས་སྐོར་སྒ་ར་ར།།
གནས་བསྐོར་བའི་དད་ལྡན་ཉི་ལི་ལི།།
ཡུལ་ཁྱུང་པོ་ལུང་པའི་དགེ་སེམས་ལ།།

དབྱིབས་གསེར་ཉ་འཁྱུག་འདྲའི་ས་ཡི་སྟེང་།།
རྟེན་གཙོ་མཆོག་རང་བྱོན་ལམས་སེ་ལམ།།
གནས་བང་ཁྲའི་གཟི་བརྗིད་ལྷགས་སེ་ལྷག།
ཡུལ་ཁྱུང་པོ་ལུང་པའི་བསོད་ནམས་ལ།།

དགོན་ཆེ་ཆུང་སྐར་ཚོགས་འཕོས་འདྲའི་ནང་།།
ལྷ་བླ་མའི་དགྱེས་འཛུམ་ཝངས་སེ་ཝང་།།
འཁོར་སློབ་བུའི་རྩོད་སྒྲ་ཆེམས་སེ་ཆེམ།།
ཡུལ་ཁྱུང་པོའི་དགོན་སྡེ་བཟང་བ་ལ།།

སྦྲ་སྨུག་པོ་འོག་གི་འབྲོག་མོ་ཚོས།།
དཀར་འོ་མའི་བསྲུབ་སྒྲ་ལྷོགས་སེ་ལྷོག།།
དབྱངས་སྙན་མོའི་མ་ཏྲི་ལྷངས་སེ་ལྷང་།།
ཡུལ་ཁྱུང་པོའི་འབྲོག་སྡེ་སྐྱིད་ཉམས་ལ།།

མཁར་གྲུ་བཞི་ནང་གི་ཞིང་པ་ཚོས།།
ཐོག་བད་ཀར་ཚལ་མ་ཁྲིགས་སེ་ཁྲིག།
ནང་བང་མཛོད་འབྲུ་དྲུག་སྤུངས་སེ་སྤུང་།།
ཡུལ་ཁྱུང་པོའི་ཞིང་པ་ཕྱུག་ཉམས་ལ།།

ལྡོང་ལྷ་བྲིས་རི་མོའི་སྒྱུ་རྩལ་ལ།།
ལྗོངས་རིམ་པའི་མགུལ་དར་བུངས་སེ་བུང་།།
གཏམ་སྙན་པའི་སྒྲ་དབྱངས་འུ་རུ་རུ།།
ཡུལ་ཁྱུང་པོའི་རི་མོ་མཛེས་ཉམས་ལ།།

གླུ་བྲོ་གར་འཁྲབ་པའི་རལ་ཕྲུག་ཚོའི།།
ལག་རྔ་གཤང་སྒྲ་སྐད་སི་ལི་ལི།།
ལུས་ཉམས་འགྱུར་གར་སྟབས་ཁྱུགས་སེ་ཁྱུག།
ཡུལ་ཁྱུང་པོའི་རལ་པ་ལྟད་མོ་ལ།།

ཕྱི་གསོ་རིག་སྨན་གྱི་སློབ་གླིང་དུ།།
ནད་ཟུག་ངུའི་གཉེན་པོ་ཤ་ར་ར།།
སྨན་བཟང་དྲུག་དྲི་ཞིམ་ཐུ་ལུ་ལུ།།
ཡུལ་ཁྱུང་པོའི་གསོ་རིག་ཕན་ནུས་ལ།།

ངས་སེམས་ཀྱི་ཕྱི་བལྟས་ཐེངས་གཅིག་གི།
ཡུལ་ཁྱུང་པོ་ལུང་པའི་མཛེས་ཉམས་དྲན།།
ཚིག་སྙན་མོའི་སྡེབ་སྦྱོར་དབེན་ན་ཡང་།།
ཁ་འབུ་ཁུང་གསེང་ནས་ཚིག་འགའ་ཤོར།།



སྐད་འཇོག་རེའུ་མིག

འདྲེན་སྐོལ། དཔྱད་གཏམ(0)ཡོད།